2009 жылы 11 ақпанда Солтүстік Қазақстан облысының С.Мұқанов атындағы кітапханада Қазақстан Республикасы Денсаулық сақтау министрлігі Фармацевтикалық бақылау комитетінің Солтүстік Қазақстан облысы бойынша Департаменті (бұдан әрі - Департамент) «Фармацевтикалық бақылау комитетінің СҚО бойынша Департаментінің 2008 жылғы фармацевтикалық қызметті бақылау бойынша қызметінің қорытындысы және 2009 жылға міндеттері туралы» деген тақырыпта семинар – кеңес өткізді.

Семинардың жұмысына «ДЗСҰО» РМК АФ Петропавл қ. директоры Е.Б.Әбуғалиев; СҚО Денсаулық сақтау басқармасы бастығының орынбасары А.Т.Рашева; облыстық фармацевтикалық фирмалардың басшылары мен өкілдері; облыстық медициналық ұйымдарының мамандары қатысты.

Семинар барысында Департамент директоры А.А.Алыпқарина қатысушыларды 2008 жылғы қызметтің қорытындысымен және 2009 жылға міндеттерімен таныстырды. Департамент мамандары мына тақырыптарға баяндамалар оқыды: ҚР фармацевтикалық қызметті регламенттейтін, 01.12.2008 жылдан 01.02.2009 жылға дейін әрекетке енгізілген жаңа нормативтік құқықтық актілер туралы; денсаулық сақтаудың ұлттық есептері – денсаулық сақтауға 2008 жыл бойынша 2009 жылдың 5 наурызына дейін шығыстар туралы есеп беру қажеттілігі туралы ескертті.

«Дәрілік заттарды сараптаудың Ұлттық орталығы» РМК АФ Петропавл қ. директоры Е.Б.Әбуғалиев дәрілік заттардың жанама әсерлерінің мониторингісі бойынша жұмыс ұйымдастыру қажеттілігі туралы; мемлекеттік және орыс тілінде қолдану бойынша нұсқаулықтары бар дәрілік заттардың жаңа кеңейтілген тізілімінің болуы туралы айтты. СҚО Денсаулық сақтау басқармасы бастығының орынбасары А.Т.Рашева Солтүстік Қазақстан облыс Әкімінің тапсырмасы бойынша жүргізілетін дәрілік заттардың баға мониторингісі жөнінде сөз сөйледі.

Баяндамалар аяқталғаннан соң облыстың фармацевтикалық фирмаларының және медициналық ұйымдарының өкілдері дәрілік заттардың нарығында бағалар өсуі бойынша өздерінің пікірлерін білдірді.

Меморандум жасау туралы

Тұрғындарға лайықты бағалы дәрілік заттармен ішкі нарықты толтыру мақсатымен, 2009 жылы 20 ақпанда СҚО Әкімдігімен және фармацевтикалық өнімді жеткізушілермен: 7 дистрибьютерлік компаниялармен және 96 дәріханалық ұйымдары бар 56 бөлшек саудада сату субъектілері арасында меморандум жасалды.

Әлеуметтік қорғалынбаған тұрғындар арасында ең жиі сұраныспен пайдаланылатын Республикада өндірілген 100 дәрілік заттардың бағаларын Меморандумға қол қойғандар көтермейді. Меморандумның әрекет ету мерзімі 2009 жылдың 31 желтоқсанына дейін.