7 мамырда «Нұр Отан» халықтық-демократиялық партиясы  Солтүстік Қазақстан облыстық филиалының отырыс залында облыс әкімі Серік Біләловтың төрағалық етуімен парияның Саяси кеңес Бюросының бірлескен отырысы болып өтті.

Отырыс жұмысына Солтүстік Қазақстан облыстық партиясы филиалының Саяси кеңес Бюросының мүшелері, облыстық маслихаттың депутаттары, облыс халқының қауіпсіздік мәселесін қамтамасыз етуші департамент және басқармалардың басшылары шақырылды.

Отырысты Партияның Солтүстік Қазақстан облыстық филиалының төрағасы, Солтүстік Қазақстан облысының әкімі Серік Біләлов ашты және жүргізді.

Отырыста «Жариялылықты қамтамасыз ету бойынша ТЖ аумақтық бөлімшелерінің қызметі және болжанған және туындаған төтенше жағдайлар жөнінде  халықты ақпараттандыру, сол сияқты олардың алдын алу мен жоюдағы қолданылған іс-шаралары туралы» мәселе қарастырылды.

Бұл сұрақ бойынша сөз сөйлегендер: ҚР Төтенше жағдайлар министрлігінің Солтүстік Қазақстан облысы Төтенше жағдайлар департаментінің бастығы Марат Мұсабаев, Солтүстік Қазақстан облысының төтенше  жағдайларды  және өнеркәсіптік қауіпсіздікті мемлекеттік бақылау басқармасының бастығы Самат Әмірғалинов, Өртке қарсы қызмет департаментінің бастығы Оңғарбек  Мұстафиндер.

СҚО ТЖД бастығы полковник  Мұсабаев өз сөзінде ТЖМ СҚО аумақтық органдарының алдында тұрған мәселелердің ауқымдылығын ерекше атап өтті.

Мәселелер мен қиыншылықтардың болғаныныа қарамастан, Солтүстік Қазақстан облысының ТЖ алдын алу және жою жөніндегі аумақтық кіші жүйесі табиғи және техногендік апаттардың зардаптарынан халықты қорғау бойынша өзінің міндеттерін ойдағыдай атқаратыны, болжанған ТЖ туралы уақтылы хабарлау жөнінде, халықты алдын алу іс-қимылына және авария, апаттар мен зілзала кезіндегі іс-қимылға үйрету жөнінде мақсатты бағытта жұмыстар жүргізетіні атап өтілді.  Өткен жылмен салыстырғанда 2007 жылы ТЖ әжептәуір азайғаны (17%-ға) және материалдық шығын (27%-ға) атап көрсетілді.

2007-2008 жылғы қыс мезгілінің қиын болғанына тоқтай келе, Марат Шамшәріпұлы отырысқа қатысушылардың назарын облыстың тіршілікті қамтамасыз ету нысандарының сапалы дайындығының және халықтың ақпараттық дайындығының арқасында жылыту кезеңінің тоқтаусыз және авариясыз өткеніне, адамдардың өлімі және үсікке шалдығуының болмағанына  аудартты.